KUDEAKETA EGOKI BATEN ZUTABEA
Beti PUBLIZITATEA esan dioguna, horixe da egiten duguna. Gertatzen dena da, konpetentzia eta talentu handia dagoela, eta agentziak alor ezberdinetan espezializatzen joan direla, hala nola, HARREMAN PUBLIKOAK, BRANDINA, SOCIAL MEDIA, DISEINU GRAFIKOA eta HEDABIDEEN PLANIFIKAZIOA. Horrela ikusita, publizitatea merkataritza-komunikazio osoa barnebiltzen duen kontzeptua izatetik, eskura dauzkagun hainbat komunikazio-teknika bat gehiago izatera pasa da. Horregatik, askok geure burua komunikazio agentzia izateko hautua egin dugu/dute. Hala ere, kontzeptu hori hain da zabala, praktikan erabilgaitza ere badela, kontuan hartu behar baita enpresa eta profesional asko eta anitzak agertzen direla izenburu horren azpian: agentziak, egunkariak, telebista-aurkezleak e.a. Laburbilduz: modu orokor batean betiko publizitate agentzien alorrean gaude, baina lan molde osoago eta perfekzionatuago batekin. Hori esanda, zer da zuregatik egin dezakeguna, zehatz mehatz? Adi egon datozen azalpen hauei, baina hasteko, har ezazu hau gogoan: komunikazioan ematen duzun dirua ondo kudeatzen lagunduko dizugu, zure komunikazioa ondo antolatuz eta lan ordenatua eginez.
AURREA HARTU NAHI DUTENENTZAKO
Ez da hain erraza aipatu ditugun alor horiek guztiak bereiztea. Esparru sepatuak baino gehiago, ibilbide bat osatzen dute, enpresa baten komunikazioak bisitatzen dituen leku-multzo bat. Hala ere, lan horrek guztiak emaitza eman behar du epe luzera, eta hori da bere helburua. Zergatik? Bi arrazoirengatik:
- Zure baliabideak urriak dira denboran, dirutan, dedikazioan eta esfortzuan. Hortaz, hobe da puntu bat defendatzea eta hor indartsu egotea, gure indarrak sakabanatzea baino.
- Kontsumitzaileek nahiz herritarrek ezin diete arreta berdina eskaini iristen zaizkien kanpaina guztiei, ezinezkoa da. Horregatik, selektiboak gara, eta gure arreta ematen diegu merezi dutenei bakarrik.
Beraz, gure lana puntu hori zein den jakitea da, zein jokaleku kulturali helduko diogun zure (etorkizuneko) bezeroekin konektatzeko. Hori da marka. Hortik hasten gara arkitektura iraunkor bat sortzen, helburu hauekin:
komunikaziorako dugun inbertsio guztia puntu batean konzentratu, dirua eta lana sakabanatu ez daitezen.
jendeari erosten irakatsi, hau da, jendeari erakutsi zertan fijatu behar duen produktu-kategoria jakin batean erosteko garaian.
zure bezeroekin harreman iraunkorra eraiki, elkar ezagutzen duzuelako. Zure nortasuna eta kokapena etengabe aldatzen badituzu, ez duzu epe luzeko harremanik eraikiko, jende askok zu ezagutzeko arazoak izango dituelako.
ziurgabetasuna eta zalantzak gutxitu erosketa egiteko garaian, hanka sartzearen beldurrez. Ezgutzen zaituztenez eta elkarrenganako konfidantza-harremana eraiki duzunez, orain lasai has zaitezke saltzen, eta zure bezeroek ere lasai eros dezakete. Konfiantza.
EKINTZARA PASA
Oinarri hori duzunean bakarrik has zaitezke kanpainak prestatzen, horretarako unean uneko teknika egokiak erabili: harreman publikoak, publizitatea, promozioak etab. Oinarri horren faltan, beti izango duzu dirua alperrik botatzen ari zaren sentipena. Gogoan hartu: zure kanpainek beti bi helburu bete behar dituzte:
- momentuan saldu.
- marka eraiki.
Zure kanpainek bi helburu horiek betetzen ez badituzte, erreakzionatu beharrean zaude. Horregatik pasa zen John Wanamaker publizitatearen historiara esaldi hau bota zuenean: “badakit nire publiziatearen erdia dirua alferrik xahutzea dela, baina ez dakit zein erdi den hori”. Baina iada ez gaude 1885ean. Wanamakerrek publizitatea ordura arte beste inork ez bezela erabili zuen, eta marketing garaikidearen begitaziodun izan zen: prezio finkoa ezarri zuen tratuaren ordez, eta ereduak hautsi zituen “gustora ez bazaude, dirua itzuliko dizugu” formula sortu zuenean.
ESPAZIONTZI NEKAEZINA, ZEHARKALDIAREN AMA
Bai, badakigu ekintzak eta kanpainak izugarri gustatzen zaizkizula, guri ere, baina bada komunikazio ahalegin guztiari iraunkortasuna ematen dion aurreko pausu bat: barne eta kanpo komunikazio-sistema. Etengabeko lana da, ordenatua eta barne-kulturari eta parte-hartzeari ondo lotua. Ageriko sekretua da: barne komunikazioa da komunikazio korporatiboaren ahate itsusia. Baina pentsatu zure ejerzitoak zure markarekin bat eginda lan egiten ez badu, zure bezeroek garesti ordainaraziko dizutela. Bai, Facebooken. Eta bai, Facebook, Twitter, Youtube eta horiek guztiak, zure komunikazioaren zati izan beharko lirateke (ia gehienetan).
PILAK, IDEIAK ETA AURREKONTUA
Akaso denbora daramazu komunikazioa egin behar duzula pentsatzen; akaso asmatzen ez duzun sentipena duzu, baina ez dakizu arazoa non dagoen; akaso zure enpresaren komunikazioa nola antolatu ere ez dakizu, ezta nola ezarri komunikaziorako aurrekontua ere.
Egoera horiek guztiak, berez komunikazio lanaren aurrekoak direnak, zure erakundean edo enpresan bertan argitu behar dira.
Aitzitik, dagoeneko komunikazio taldea baldin baduzu, baina kanpoko bultzada behar baduzu, leku egokira iritsi zara. Abilak gara jendea espabilarazten.
Horrela esaten digute batzuek, gure lan batzuk ezagututa, ezinezkotzat jotzen zena indar biziz ikusita. Egia da lanak ez gaituela izutzen; egia da guretzako ez dagoela ezinezkorik; eta egia da, gainera, ez garela (ia) inoren aurrean izutzen. Itxuraz helburu ia lortezinak eta ezinezkoak zituzten kanpainak aurrera eramaten lagundu dugu. Batez ere, gizarte eta kultura mailan, gure herrian bizitzea egokitu zaigun egoera katramilatuaren ondorio.
Hala ere, guk komunikazioan sinisten dugu, hitzaren adierarik gizatiarrenean; bere dimentsio egiazkoenean eta beharrezkoenean; gizarte bizitzarako balore gorena delako. Dena mugatzen da bikoteak hainbeste beldurtzen dituen esaldira: “maitia, hitz egin behar dugu”. Badakigu, halere, lana gogoz egin behar dela, eta batzuetan borroka egin behar dela nahi dugun hori lortzeko.
Horrek gizarte esparrurako balio du; merkataritzan dena da errazagoa.
